لفاه المـوت ويممنـــاه
........وذكرنـــاه الشهـــاده
ذكرها وأشر بيمنـــاه
.......وشفنا البسمه بشفاته
هزيل والمرض أضنــاه
.......وأيس الطب من علاجه
نسىحتىأسامي ضناه
......بس ذكر الباري مافاته
يحب الضيف لي اكرمناه
.......وهذا الموت طق بابـه
دخل ويـوم استقبلنـاه
........تخيـر خيرنـــا زاده
بكينــاه و غسلنــاه
........وغيرنــا لـه ثيابــه
وصلينــا وتودعنــاه
.......في بيت الثرى بابـه
بكت وين اللي فقدناه
.......ودخلاتــه وطلعاتــه
وصوته ليمـا سمعنـاه
.......تزيـد القــلب دقاتــه
ينادي قوموا للصـلاه
......وياويل من لدته حاجه
واللقمـــه ما تهنـــاه
.......الا مـن يــد بنيـاتــه
هجد هالبيت من خلاه
......فرح هالبيت وحفلاته
في هذي الغرفه كلمناه
.......وسلمنا على راسـه
وفي الصاله قهويناه
.......وسمعنـا حكاياــته
وفي المطبخ وكلناه
.......يجيب للبيت حاجاته
قالت ابوي وين القاه
.....اذا القدر قال ما قاله
ادق جواله واستنـاه
.....وهو راقد على حاله
قلت ترى هدته دنياه
......لا قوه حيل ولا رايه
اذكري يوم المرض خلاه
.......رضيع بآخر ايامــه
تعذب واكرمـه اللــه
....بالموت ومافات كفاره
ادعي ربـي يتـولاه
.......برحمته ويجمعنا به
عزانا انا لي ذكرناه
.......لقينا الخير اعمالـه
حبيب وكلنا اغليناه
.......يارب تغفر له زلاته
وتسكنه اللي ما شفناه
....من نعيم الخلد وجناته
الرئيسية 
