أحبــــك ... المستحيــل

أحبك الصعب .. ماحبك تجي هيّن
........................ أحبك المستحيل .. اللي يعذبني
صح أنت كامل وفيك الحسن متزيّن
...................... بس الجموداللي املازمك.. يتعبني
ملّيت صوت الغرام وهمسك الليّن
.................... لا تحسب إني ليا قلت آه ..معجبني
أبيك تنسف كلام الشوق وتبيّن
................... انك على اصغر الاشياء تحاسبني
وابيك تلغي حدود العقل وتعيّن
................... ذاك الجنون اللي أوجاعه تناسبني
أدري بأنك رهيف احساس وحنيّن
................. وانك ذبحت أوّلك ، من شان تجذبني
وانك ..وانك.. وانك دوم متحيّن
.................... للفرصة اللي من انفاسك .. تقرّبني
لا شك.. فاتت عليك كثار يا ذهيّن
.................... عن قولها .. . شيمتي دايم تأنبني
لاني خيالي .. ولاني حيل ....!
.................. شاعر أنا ، والتناقض داخلي يبني
الله خلقني اشوف العالي اطميّن
................ بي همّة ،ما بعد جا شي ، يرهبني