سلامن من خفى خافي خفاي طماش
سلامن للذي فالقلب له شان و زويه
يذكرك قلبي يامن سطا الروح واعتاش
ويميزك فالحب من بد كل البريه
مايشوفه الحاسد ولو عاش نباش
مايشوفه الا اذا بات فاحلام الكريه
ياصاحبي لو الحب فيك عاش ثم عاش
ثم مات من عقب ماوافته المنيه
حبي يعيش من عقب صدمه فالانعاش
لكن يدوم لك عاشق ونفسه ابيه
ويبقى في بحر حبك "العاشق الطواش"
حتى ولو موجك طغى ما اثر عليه
بس البعاد انسب و عن القرب نحتاش
لجل المحبه ما تعيش نفس ابيه دنيه
خلنا اصحاب من بعيد و بينا مطراش
الناس تتمنى انها تلامس نجوم الثريه
ما نرومها الا على فرجه و طماش
ولا ترا لمس النجوم فالاحلام الغبيه
يا صاحبي ذا العمر كم مره بينعاش
انسى و جدد و خلني فذكرياتك الاوليه
واذا افترقنا الله يصبر القلب لو عاش
وادعي عسا باعوامك افراحن مديه
لكن بغيت اعلمك عن ما كان بالجاش
انه غلاتك عندي اغلى من روحي عليه
ورغم البعاد احبك ورغم الذي قد طاش
بقزر العمر في حبك رغم الخيانات القويه
بغيت تعرف من فينا المحب و من الغشاش
حتى اكون مرتاح وقت موتي مصفي النيه
وهذي القصيده تمت من وقت غباش
حتى اذا طل القمر في وقت العشيه
الرئيسية 
